من قصص الرعب : قصة ساااخم الجزء الاول

 من قصص الرعب : قصة ساااخم السلام عليكم ورحمة الله وبركاته قصه بعنوان ساااااااخم - أنا خالد عبد الرحمن طالب فى كلية الحقوق الفرقة التالتة .....

 من قصص الرعب : قصة ساااخم

السلام عليكم ورحمة الله وبركاته

قصه بعنوان

ساااااااخم

- أنا خالد عبد الرحمن طالب فى كلية الحقوق الفرقة التالتة .. حياتى نمطية جدا مليش أصحاب كتير .. 

عندى أخ وأخت وعايش مع أهلى فى مدينة فى القاهرة 

من النهاردة اسرتى راحت فرح بنت عمى فى إسكندرية وأنا فضلت فى البيت لوحدى .. 

بصراحة باخد راحتى أكتر وأنا لوحدى عشان الخروج والدخول وكدة يعنى كنت أنا وطارق كنا سهرانين فى كافية اه نسيت اقول لكم طارق صديق عمرى بصراحة احنا بقينا اصدقاء من اسبوع بس لكن بقينا اصدقاء جدا ورجعت البيت الساعة 12 بالليل ... 

دخلت اوضتى نمت الشقة كلها ضلمة .. قلقت بالليل لقيت حاجة واقفة ظاهر ضوء خفيف عالم خيال للحاجة دى كان شخص طويل جدا وشكله غريب قلت مين .. مردش .. مين إللى واقف لقيت صوت تخين جداا بيقول لى ساااااخم قعدت استعيذ بالله من الشيطان الرجيم 

نفسى كان بيقطع ومش عارف اتكلم وفتحت النور بسرعة .. لقيت اخويا هو اللى واقف وقاعد بيضحك ويقول لى هههههه حضرت المحامى طلع جبان .. قلت له بطل هزارك دة يا بنى أنا كنت هقطع الخلف حرام عليك .. قلت له انتم رجعتو امتى من السفر .. قال لى لا ما أنا مروحتش معاهم قلت له طب اتفضل برة بقى عايز أنام .. خرج اخويا من الأوضة وسمعت صوت التلفون بتاعى بيرن كان والدى ... كان بيقول لى الفلوس موجودة تحت المكتب عشان لما تخرج بكرة وروح نام بقا يا بنى انا كنت بشوفك سهران ولا نمت .. أصبر خد أخوك عايز يكلمك .. قلت له ايه ؟؟ لقيت اخويا بيكلمنى بيقول لى دة أنت فاتك نص عمرك دة الفرح كان جامد .. والخط قطع ... خرجت بسرعة من الأوضة أشوف هو كان فى حد هنا فعلا ولا لا .. بس .. بس لقيت نور الشقة كله ضلمةاكيد كنت بحلم .. او كنت بتخيل من كتر المقالب اللى أحمد بيعملها فيا الصبح صحيت على صوت الموبيل بتاعى بيرن لقيته والدى كان بيقول لى .. خالد احنا هنقعد عند عمتك يومين تلاتة عشان هما مسكو فينا جامد .. لو عايز تيجلنا تعالى .. قلت لا يا بابا انا عندى كلية مش هينفع اجى .. دخلت استحمى وأنا فى الحمام بحب أقف قدام المراية كتير لقيت صوت حاجة وقعت برة فى الصالة بصيت من طرف الباب لتكون قطة ولا حاجة بس ملقتش حاجة على الأرض .. قلت يادى التهيأت على الصبح .. سمعت نفس صوت الواقعة تانى قلت طب والله ما أنا باصص غسلت وشى بالصابون .. وسمعت نفس الصوت بس المرة دى مش صوت وقع حاجة .. دة صوت أحمد بتاع امبارح بالليل .. ساااااااااخم .... غسلت الصابون من على وشى بسرعة و طلعت راسى من باب الحمام .. قلت فى حد هنا ؟؟ فى حد هنا ؟؟!! 

بس الاكيد إن محدش هيرد لأنى لوحدى فى البيت خرجت بسرعة وفى 3 دقايق كنت برة البيت لبست هدومى بسرعة جدا وخرجت .. روحت الكلية وأول ما وصلت حكيت لطارق اللى حصل .. 

قال لى هو جالك .. قلت له هو مين قال لى ساخم .. قلت له أنت تعرف مين دة .. قال لى اه طبعا دة إله المذاكرة عند الفراعنة هههههههه يا بنى بلاش تخاريف ساخم ايه وكلام فاضى ايه .. قلت له يعنى انا بحكيلك تتريق عليا .. قال لى بصراحة انا قريت الاسم دة قبل كدة بس مش فاكر فين .. بص انا هرجع البيت النهاردة ادور قريته فين وارد عليك بكرة بس انت متشغلش بالك يعنى دى كلها أوهام عشان لوحدك فى البيت بس ... 

وفعلا رجعت البيت وانا مسحت كل اللى حصل من دماغى وعشت اليوم عادى .. الساعة 8 العشا كنت بغسل وشى .. لقيت نفسى ببص فى المراية وقاعد بضحك على إللى كنت بتخيله وقعدت اهزر بتعابير وشى زى العفاريت وقعدت اقول سااااخم ... سااااااخم مفيش حاجة ظهرت ديرت وشى عشان ارجع الأوضة لقيت الصوت رجع تانى صوت غليظ جدا وبيقول ساااااخم سااااااخم ...

أكيد تخاريف مش اكتر زى ما قال طارق .. دخلت اوضتى بسرعة ونزلت تحت البطانية ماقمتش من تحت البطانية غير لما النهار طلع ... روحت الكلية وقابلت طارق أول ما شفته قلت له هاا عرفت ايه الاسم دة ؟؟ قال لى انا لقتها فى كتاب عندى ساخم تعنى الملعون .. والكلمة دى بتطلق على .. الجن .. الجن شديد الخطورة / الفاسق/ 

قلت له و دة معناه ايه بقا ؟؟!! قال لى بص أنت حاجة من اتنين الأولى أنك سمعت الكلمة دى قبل كدة فعقلك الباطن خزنها .. فلما بقيت لوحدك وفى احساس بالخوف عقلك الباطن طلعها .. قلت له طب والتانية ..قال لى إن بيتكم دة فى عفاريت يا معلم .. قلت له ايه ؟؟!! قال لى عفاريت حاجة طبيعية مش ساخم وحاجات بتقع .. قلت له طب لو فعلا فى كدا انا اعمل ايه .. قال لى بص انا اعرف واحد قريبى عنده كتب من النوع دة كتب تحضير وكدة .. هجبهالك من عنده بكرة ولو عايز تيجى تبات معايا النهاردة ماشى .. قلت له لا ملوش لزوم انا هرجع البيت وخلاص و زى ما أنت قلت اكيد العقل الباطن مش اكتر ... 

رجعت البيت وقفت قدام المراية و دخلت الحمام مستنى حاجة تحصل .. بس مفيش حاجة حصلت لسمعت صوت وقع .. ولا سااخم ولا اى حاجة .. و دخلت نمت قعدت أفكر فى اللى حصل مجرد عقل باطن ولا فى حاجة فعلا .. وملحقتش اسأل نفسى ورجع الصوت تانى .... ساااااااخم .. سااااااااخم ... قعدت أقرأ قرآن واستعيذ بالله من الشيطان الرجيم .. لحد ما الصوت وقف .. ونمت ... محستش بنفسى غير الساعة سبعة الصبح على صوت المنبه بتاع الموبيل .......

 يتبع