رسالة لكل مبتلى ضاقت به الحياة وضاقت عليه نفسه ويسال عن الحكمة في ابتلائه في اي امتحان دنيوي الطالب بيدخله بيكون همه ايه ؟ بيكون همه يمسك ...
رسالة لكل مبتلى ضاقت به الحياة وضاقت عليه نفسه ويسال عن الحكمة في ابتلائه
في اي امتحان دنيوي الطالب بيدخله بيكون همه ايه ؟
بيكون همه يمسك ورقة الاسئلة ويبدا يجاوب عليها
ولما بيخلص وقته بتتسحب ورقته ويتحاسب عليها وياخد درجته فيها
وبعدها بيعرف النتيجة اللي بيفرح لو كانت اجاباته صحيحة
ورغم ان نتيجة النجاح في الامتحان الدنيوي مجرد شهادة وورقة بس
اما امتحان الدنيا النجاح فيه " فمن زحزح عن النار وادخل الجنة فقد فاز "
احنا حياتنا مقسومة جزئين جزء صغير جدا لا يتعدى على اقصى تقدير مائة سنة والجزء التاني اطول جدا ولا نهائي من السنين يكفي فيه ان يوم الحساب بس 50000 سنة
فاللي هينجح في امتحانه هيفوز فعلا وفوز حقيقي ودائم
ومعتقدش ان في لجنة الامتحان الدنيوي ان طالب بيسال عن الحكمة في اسئلة الامتحان ويضيع وقته في كده بل بيجاوب ع الاسئلة مهما كانت الظروف لا بيهمه الكرسي اللي قاعد عليه ولا الجو المحيط ولا اشمعنى فلان قاعد في الضل وانا في الشمس ... بيجاوب وبس وبياجل اي اسئلة لحين ميخلص الامتحان ويسلم ورقته
وربنا عادل وحكيم فكل الامتحان ما كان اصعب كانت التصحيح اسهل وتوزيع الدرجات اقرب لمصلحة العبد
ولله المثل الأعلى فربك حكيم بيختبرك وشدد عليكي في الاختبار لانه يريد رفعة درجاتك ونجاتك يوم الحساب
فاشد الناس بلاء هم الانبياء ثم الأمثل فالامثل
فانتي بعد توفيق الله وعنايته بيكي وتثبيته لك لابد تشكريه على العطاء اللي اختصك بيه
اما اي شئ في الدنيا فمحض حكمة ولو كانت تستحق اي شئ ماكان الانبياء وسيدهم محمد صلى الله عليه وسلم عاش الحزن واليتم والفقر والاذى من الناس وموت الاحبة وموت اولاده كلهم الا فاطمة في حياته فدفن اولاده جميعا
فلو كانت الدنيا تستاهل كان اعطاها لانبيائه الكرام
فالدنيا اختبار وكل واحد يهتم بس بانه يجاوب صح لحد ما ينتهي وقته
وان شاء الله هتلاقي لو ربنا ثبتك على كده لاخر لحظة هتلاقي ميزانك عظيم عند الله
ربنا يتقبل منك ويتقبلك ويتقبلنا في الصالحين
يحيي البوليني
.jpg)
ليست هناك تعليقات