انا مش يتيم قصيدة مؤثرة للشاعر عمرو حسن

رحم الله كل الاباء والامهات واسكنهم فسيح جناته  وهذه قصيدة بلسان الابناء موجهة الى كل اب متوفى  ايه يا والدي عامل ايه واضح ان الجو عندك احلي...

رحم الله كل الاباء والامهات واسكنهم فسيح جناته 

وهذه قصيدة بلسان الابناء موجهة الى كل اب متوفى 

ايه يا والدي

عامل ايه

واضح ان الجو عندك احلي جدا

من زمان ومفيش زيارة

طب تعالي انشالله حتي الشاي وتمشي

ايه يا حج

داحنا عشرة عمر يعني

بعد ما انت مشيت ياروحي 

عمر حضن الناس ماساعني

اصل برضو معاك بتفرق

ما انت عارف

يوحش الواحد كلامك

نظرتك . طيبة سلامك

يوحش الواحد هزارك

وزعيقك من غير سبب

يوحش الواحد علامة جزمتك فوق العتب

يكسر الواحد مرورك

لو اتب خلاك توطي

ثم اشوفك

وانت ماشي جنب مني وجنب اخويا

ايه امر عليا مني

لما تحلف دمعتي برحمة ابويا

الحقيقة مفيش جديد من يوم غيابك

كل شي لسة ف مكانه

الا شي واحد

انا

لسة مش عارفة افكر انت غبت كام سنة

كنت صلب حديد ف صمتك

كنت طيب من عظمتك

خوفت منك

واحترمتك

واكتشفت معاك معاني

مش هشوفها من مكاني

سبت مطرح من مساحته

مش هيملاه حد تاني

الكلام يبدو انتهي

بس في ف القلب حاجة مقولتهاش

اللي عاشها لنفسه مات

واللي مات لولاده عاش

واللي شال الشيلة لسة متنساش

رب اسرة

جدار عريض

صاحب الروح الوحيد

يلا همشي

ولينا يعني كلام اكيد

بس رد الباب عشان

لو حد قالي هاتى ابوكى

اجي اقولك وتعاقبني

زي انا م هعاقب ابني

لجل يفضل مستقيم

اليتيم من عاش بدونك

فالحقيقة

انا مش يتيم 

# عمرو حسن