موقف من مسلسل هند والدكتور نعمان. - عايزك وإنت بتصحح، تدقق أوي في أخطاء الإملاء والنحو. = أنا؟! .. حاضر. - أصل فيه طلبة بتعك كتير .. اللي ي...
موقف من مسلسل هند والدكتور نعمان.
- عايزك وإنت بتصحح، تدقق أوي في أخطاء الإملاء والنحو.
= أنا؟! .. حاضر.
- أصل فيه طلبة بتعك كتير .. اللي يجر المبتدأ ، واللي ينصب الخبر .. ولا الطالب اللي كتبلي كلمة "حيثما" بالسين !!
= ......!!!!!
- مالك؟ .. فاتح بؤك كده ليه؟ .. إنت مش مصدقني؟ .. أنا مش قلت لك الحكاية دي قبل كده؟
= جايز .. آه آه.
- الحقيقة الطالب ده إسمه راح عن بالي .. إنما أنا هفتكره .. هفتكره دلوقت.
= هو مش .. مش الـ .. الأخطاء اللغوية مالهاش تأثير من الناحية العلمية؟
- لأ ليها .. لأن الطالب اللي بنسامحه فيها النهاردة، بنديله الفرصة إنه يبقى معيد بكرة، وبالتالي يبقى مدرس بعد بكرة والطلبة يتلقوا العلم على إيديه .. يعني بعد كام سنة تندثر اللغة العربية .. دا إذا ما كانتش اندثرت فعلا.
= أنا كنت عايز أقول ....
- ما تقولشي .. إنت هتدافع عن خطأ؟
= لأ .. لكن .....
- ما لكنش .. اللغة وعاء التفكير .. وإذا كان الوعاء فيه خطأ، يبقى التفكير مؤكد فيه خطأ .. اللغة يا أستاذ وسيلة الاتصال بين البشر .. يعني إذا كانت الوسيلة فيها خطأ، يبقى مش ممكن هنفهم بعض بدقة .. اللغة سابقة على العلم .. أو بمعنى آخر: اللغة هي العلم الأول اللي بدونه لا تستقيم بقية العلوم .. مظبوط؟ .. ما تقول مظبوط.
موقف من مسلسل هند والدكتور نعمان.
ليست هناك تعليقات