وداعاً لعمليات التكميم اتنين من البتاعه دى الصبح هيسدوا نفسك عن العالم فى رحلة بحثى عن وصفات صحيه اكتشفت بسكوت الشوفان بالجنزبيل ده الوصف...
وداعاً لعمليات التكميم
اتنين من البتاعه دى الصبح هيسدوا نفسك عن العالم
فى رحلة بحثى عن وصفات صحيه اكتشفت بسكوت الشوفان بالجنزبيل ده
الوصفه دى سهله جدا وبتساعد على سد النفس لو بقت بالنسبالك فطار مع كوب لبن فعلا هتسد نفسك جدا وهتخليك رافض الاكل مده طويله يمكن تستغربوا كلامى بس بمنتهى الصراحه موعدكمش بطعم حلو بس هى بتجيب نتيجه عن تجربه
انما لو عايزين حاجه صحيه وطعمها لذيذ شوفوا البوست اللى قبل كده دوسوا على اسمى هيظهر الوصفات اللى نزلتها هنا قبل كده
المقادير :
-كوب ونصف من الشوفان المطحون
-نصف كوب مكسرات نيه مجروشه
-نص كوب لبن بدرجه حراره الغرفه
-م ك من زيت جوز الهند او اى زيت نباتى
-م ك جنزبيل مطحون
-م ص بيكنج بودر
-رشه فانيلا
-ربع م ص ملح
معلقتين من بديل السكر استيفيا
هتضيف كل المكونات سوا ونعجنها كويس جدا ونشكلها على ورق زبده وندخلها فرن على درجه حراره قليله يعنى مثلا ١٥٠ل ١٨٠ حسب فرنكم ونسيبها لحد ما تحمر من تحت بتاخد مثلا نص ساعه
ليست هناك تعليقات