الجوهرة من السعودية، قصتها اقوي من قصص الخيال العلمي. حكايتي معاها بدأت من اسبوعين تقريبا، لقيت دكتور صديق اهلها بيقولي انه جاي يعرض عليا ...
الجوهرة من السعودية، قصتها اقوي من قصص الخيال العلمي.
حكايتي معاها بدأت من اسبوعين تقريبا، لقيت
دكتور صديق اهلها بيقولي انه جاي يعرض عليا حالة طفله من السعودية، طيب فين البنت قالي
في تركيا و اهلها منتظرين نكلمهم بس شوف الأشعة.. قولتله انا جاهز كلمهم، قالولي طمنا
قولتلهم اطمئنوا…
ألحوا في طلب الاطمئنان قولتهم ان شاء الله
ربنا ييسر واعملها العملية علي خير بس اشوف البنت، قالولي كام نسبة نجاح عمليتها قولتهم
ربنا ييسر اكتر من ٩٥٪، شكلهم مش مصدقين او حاسس كدا بيقولوا عليا مجنون من الهمهمة
اللي سامعها…طيب العملية كام ساعة قولتلهم ربنا ييسر ساعتين الي ثلاثة…
خوف وقلق
كانوا قلقانين جامد و الكلام كله غريب عليهم
و انا مش فاهم ليه.. يومين و لقيتهم عندي في العيادة بالجوهرة، شوفتها و قولت نفس الكلام
و هنا بقي بدأ تفسير ايه هم مش مصدقين اللي بقوله… مامتها قالتها انها طرقت كل الأبواب
و كل المستشفيات و قالولها البنت دي مفيش منها امل نهائي…
و قالولها باللفظ ودعيها.. أمها انهارت
و قالت هلف الدنيا علي امل … راحت تركيا وقعدت هناك شهرين و قالولها فيه عملية و لكن
هتستغرق ١٠ ساعات في العمليات و تطلع علي الرعاية المركزة و الخطورة عالية جامد علشان
وزن البنت ٢٥ كيلو فقط والاعوجاج اللي عندها ثانوي ل خلل جيني مع تأثير علي الأعصاب
و العضلات
وبعدما قالولها كدا كانت بتجهز نفسها تروح ألمانيا
وبعدين حد قالهم ابعتوا البنت مصر لدكتور هاني عبد الجواد. لما كلمتهم في التلفون حجزوا
الطيارة فورا و نزلوا من تركيا علي مصر علشان يشوفوا مين اللي بيقول ٩٥٪ و ساعتين عملية
و متفائل زيادة عن اللزوم دا…
مامتها بعد ما قالتلي القصه دي و هي بتبكي
طبعاً، انا خفت جامد الحقيقة.. وفحصت البنت تاني و شوفت الاشعه تاني و قولتلها انا
عند كلامي… ايوه خطيرة لكن مش الخطورة اللي هي يعني و هعملها العملية و ان شاء الله
تبقي بخير … طلبتلها بعض الفحوصات…
مامتها تقولي يعني ممكن ترفض تاني العملية
بعد الفحوصات، قولتلها انا خلاص قبلت العملية انا بس بأخد بالأسباب… الجوهرة بقي فعلا
جوهره، البنت بتتكلم كأنها مزيعه و عندها ذكاء رهيب ما شاء الله…
يوم العملية
و كنت قلقان و عمال افكر فيها طول الليل و اقول يا رب استر و خايف البنت يحصلها حاجه يقولوا ما كل الدنيا قالت مش هينفع دخلتها ليه…
المهم رحت المستشفى الساعه ٦ صباحا اشوف
الجوهرة و اتخضيت … لقيت معاها يجي ٢٠ فرد من أسرتها جايين من السعودية مخصوص ل عملية
الجوهره…
و الجوهرة متشيكه و قاعدة تحكيلهم عن الحلم
اللي بيتحقق النهارده و انا شوفتهم و مكنتش قادر اقف علي رجلي .. كل الناس دي جايه
تفرح … يا رب استر
مش هطول عليكم علشان القصة طويلة جامد لكن
الحمد لله الجوهرة زي الفل والعملية استغرقت ساعتين و الجوهرة نزلت غرفتها بدون رعاية
مركزة…
و اتصلحت احسن من احلامي و مش هقدر بقي
اوصف احساسي مع اللايف الموجود من اقاربها علشان انا نفسي لسه مش مستوعب اللي حصل بفضل
ربنا و كرمه علينا.
* اللايف
امبارح الفجر وصلت المستشفي قبل العملية
بدقائق لقيت الجوهرة قاعدة متشيكه و حاطه رجل علي رجل و بتحكي عن الحلم و بتشكر الحضور.
و انا كنت جاي مرعوب و رجلي بتخبط في بعضها. رعبتني اكتر بالحركه دي، قصدي طمنتني يعني
الفيديو دا الطف حاجه اشوفها في حياتي دلوقتي
لكن امبارح كان صعب عليا شويه
لا لا لا
لا يا الجوهرة لا، متقوليش ان الفرق بين
الصورتين دول يوم واحد… متقوليش اننا امبارح بس كنا في وسط الاهوال و النهارده في وسط
اصبحنا في النعيم
يا رب لك الحمد
ليست هناك تعليقات