الصورة دى من أعظم لحظات البشرية على الإطلاق. ده صورة سنة ١٩٢١ م لطفل مريض بالنوع الأول من السكر والنوع ده لما بيجى لأى حد سواء طفل أو شاب ...
الصورة دى من أعظم لحظات البشرية على الإطلاق.
ده صورة سنة ١٩٢١ م لطفل مريض بالنوع الأول من السكر والنوع ده لما بيجى لأى حد سواء طفل أو شاب الإنسولين فى جسمه بيقل والسكر يرتفع تدريجياً لحد ما تبدأ تظهر عليه أعراض معينة:
* ريق ناشف
* تبول كثير
* نهجان
ولو اتساب بدون علاج بيدخل فى مرحلة غيبوبة السكر المرتفع أو (الغيبوبة الكيتونية) وتدريجياً يفقد الوعى وكيمياء الجسم تتلخبط لحد ما يتوفى والكلام ده كان سنة ١٩٢١.
- الغرفة دى هى الغرفة اللى كان بيدخل فيها الأطفال فى الغيبوبة مع والديهم لقضاء اللحظات الأخيرة قبل الموت المحتوم.
- دخل طبيب هذه الغرفة وبدأ حقن الأطفال المغمى عليهم بحقنة جديدة.
- بمجرد ما الطبيب حقن آخر طفل تفاجأ الناس بأن أول طفل اتحقن بدأ يفوق من غيبوبته.
- بعد مرور دقائق استيقظ كافة الأطفال فى الغرفة فى حدث سجله التاريخ فى هذه الصورة والطفل ده هو أول طفل تم علاجه من غيبوبة السكر العالى فى تاريخ البشرية.
- الحقنة الجديدة اللى استخدمت لأول مرة كانت حقنة الإنسولين اللى تم اكتشافه وصنعه واستخدامه لأول مرة فى التاريخ على يد الطبيب العالم العظيم
د.بانتينج Banting
فى غرفة الموت التى تحولت إلى غرفة الحياة فى مدينة تورنتو - كندا عام ١٩٢١.
- د.بانتج ومجموعته أخذوا نوبل سنة 1923 فى عزل واستخدام الإنسولين وكان ممكن يسجله براءة اختراع ويحصد المليارات ولكن لم يسجلها كبراءة اختراع كى يستفيد العالم كله وكل مريض من هذا الاكتشاف العملاق.
- د.بانتينج ليك فى رقبتنا دَين مش هانعرف نرده ليوم الدين.
د.عمر عزت
منقوول..
ليست هناك تعليقات