طلاسم قاتلة - قصة رعب الجزء الأول

طلاسم قاتلة - قصة رعب الجزء الأول من غير ما ادخل في تفاصيل متهمش حد فيكم انا عارفة ان كل اللي عايزين تعرفوه هو اسمي وسني واني ملبوسة ولا...

من غير ما ادخل في تفاصيل متهمش حد فيكم انا عارفة ان كل اللي عايزين تعرفوه هو اسمي وسني واني ملبوسة ولا ديه حالة نفسية او غيره من الحاجات ديه .

. في الأول بس سيبوني أحكي عن كل اللي حصلي لإني مش ضامنة إني أعرف أحكي تاني أو حتى إني هعيش تاني ولا لأ ...

. انا اسمي فاطمة في سنة رابعة حقوق مليش غير أخت واحدة اسمها مريم وماتت في 1 كلية ..

مش مهم ماتت امته على اد هي ماتت ازاي وتقريبا الحكاية بدءت من هنا ..

-- أنا ومريم كنا صحاب أكتر من إننا اخوات تقريبا انا كنت بعتبرها اعز صديقة ليا وكنا بنحكي لبعض كل حاجة وبتاخد رأيي في كل حاجة وده كمان عشان مامتنا ماتت من واحنا صغيرين وبابا معظم الوقت في الشغل ....

الموضوع حصل يوم الأربع اللي فات كان عندي محاضرات وسكاشن كتير اليوم ده وكنت هرجع البيت الساعة 10 بليل وبابا كده كده بيرجع البيت الساعة 12 .

. كالعادة صحيت الصبح سلمت على أختي وقالتلي انها هتقعد في البيت مش هتخرج ..

انا متعودة اني اتصل بيها كل يوم وانا مروحة عشان تسليني في الطريق لحد ما أوصل ..

- أختي مش من النوع اللي بتقفل تليفونها او مش بترد عليا .

. المهم خلصت أخر سيشكن وركبت العربية عشان ارجع البيت واتصلت بيها بس مش بترد ..

اتصلت اكتر من 20 مره بس في الأخر التليفون اتقفل .

. قولت أكيد نايمة وتليفوها فصل شحن بس مش عادتها تنام الساعة 9 بليل يعني ..

رجعت البيت وفتحت الباب بس غريبة الشقة كلها مضلمة وانا عارفة ان اختي مبتحبش الضلمة ...

. ولعت النور لقيت الشقة كلها مقلوبة كإن حد كان بيسرقنا بالظبط .. من كتر خوفي دخلت جري على أوضة أختي .

. أوضتها كانت ضلمة بس باين من نور الصالة انها مش ع السرير ..

مشيت خطوة واحدة لجوة الأوضة بس حسيت بحاجة لزجة في رجلي .

. فتحت النور عشان اشوف ايه ده ؟

.. دم !

الدم جاي من جنب السرير بالظبط ..

قربت ناحية الدم وانا خايفة أوي بس شوفت أبشع منظر ممكن أشوفة في حياتي ..

-- اختي كانت مربوطة من رقبتها في رجل السرير ومدبوحة وبتنزل دم اكنها لسه مدبوحة حالا ..

.. رجعت لورا خطوتين وصوت بأعلى صوتي .

. المنظر كان يخوف أوي لدرجة اني سيبت أختي وجريت بره الشقة عشان أشوف أي حد يلحقني ..

بالفعل خرجت بره الشقة وانا بصوت وبعيط وقفلت الشقة وقعدت ع السلم .

.. طبعا الجيران كلهم اتلموا عليا وقعدوا يهدوني بس محدش قدر يدخل لأختي .. اتصلت بأبويا عشان يجي .

.. فضلت قاعدة قدام الباب مش قادرة أدخل لحد ما أبويا جالي ..

ابويا كان بيعيط طبعا وانا كنت منهارة ابويا اتصل بالاسعاف قبل ما يخش الشقة .

. بس حصل حاجة غريبة أوي .. باب الشقة فتح !

.. اختي اللي فتحت باب الشقة ! .

. بس اختي سليمة و حتى رقبتها مفيهاش أي أثر للدبح وهدومها مش عليها دم .!!

- أبويا ضربني بالقلم من كتر مكان مضايق وخد مريم في حضنه وقعدت يدعي عليا ويقول اني اتجننت والجيران كانوا في صفه ..

قعدت اقولهم بأعلي صوتي وانا بعيط أنا مش مجنونة حتى كمان بصوا أثار الدم على رجلي .

. رفعت بطن رجلي عشان أوري لأبويا الدم بس مفيش أثر لأي حاجة !

.. كان ناقص حاجة واحدة بس عشان اقنعهم اني مش مجنونة واني شوفت اختي مدبوحة

.. خليت أبويا انه يدخل أوضة مريم ويشوف الدم جنب السرير .

. أبويا قالي بصوت غاضب أوي " لما نشوف أخرة جنانك " أبويا اعتذر للجيران على الازعاج وقعد يقول اني مجنونة ودخل اختي وقفل باب الشقة ودخل أوضة مريم زي ما قولت عشان يشوف الدم ..

-- مشيت جنب أبويا وانا خايفة ومريم ماشية ببطئ شديد أوي ورانا ودخلنا أوضتها .

.. الأوضة كانت منورة زي مسيبتها بالظبط .

. قولتله قرب شوية ناحية السرير عشان تشوف الدم .

. أبويا قرب جنب السرير بس ثبت مكانه فجأة وعنيه اتسعت ونظراته بقا كلها خوف .

. قربت منه عشان أقوله صدقت بقا ان كان فيه دم .

. بصيت ع الأرض لقيت جثة مريم مدبوحة بنفس الطريقة ومربوطة من رقبتها في السرير .

. أبويا قالي بخوف شديد اوي أومال مين اللي فتحتلنا الباب ديه !!

.. في اللحظة دية كل أنوار الشقة اتقفلت وباب الأوضة اترزع جامد .

. وسمعنا صوت ضحكات مخيفة أوي جاية من بره ..

أنا دلوقتي في أوضة ضلمة مع أبويا وجثة أختي .

. فتحت بسرعة كشاف الموبايل وابويا خده مني وراح عند الباب وهو خايف أوي وحاول يفتح الباب لكن ......!!

المصدر: ملفات سرية