طلاسم قاتلة - قصة رعب - الجزء الثالث والأخير

 طلاسم قاتلة  الجزء الثالث والأخير - أبويا نبره صوته كلها قلق وخوف "  لازم ندخل الشقة تاني مفيش فايدة ..  " دخلنا الشقة واحنا متأك...

 طلاسم قاتلة

 الجزء الثالث والأخير

- أبويا نبره صوته كلها قلق وخوف "

 لازم ندخل الشقة تاني مفيش فايدة .. 

" دخلنا الشقة واحنا متأكدين ان فيه حاجة هتحصل ..

 اول مدخلنا من باب الشقة الباب اترزع جامد ولقينا مريم قدامنا ورقبتها مفيهاش أي حاجة وماسكه سكين

 .. احنا عارفين ان ديه مش مريم 

.. ابويا مسك ايدي جامد وبدء يرجع بضهره على باب الشقة طبعا انا مستخبية في ضهره من الخوف

 .. البنت ديه كانت بتقرب علينا براحة بس وشها كان باصص للأرض وبتجر رجلها بصعوبة ... 

-- أوضة أختي كانت مفتوحة وديه الأوضة الوحيدة اللي ليها باب 

... أبويا قالي بصوت واطي هنجري على الأوضة وهنقفل الباب علينا وهنفضل جوا

 ... جريت أنا وهو ناحية الأوضة بس أول مدخلت الباب اتقفل وأبويا لسه بره

 .. جريت ع الباب تاني وانا بحاول افتحه وانادي على أبويا عشان يكسر الباب ويخشلي

 .. سمعت صوت أبويا بيصرخ أكن حد بيعذبه بالظبط وبعد كده مسعمتش أي صوت تاني ... 

- ولعت كشاف الموبايل و حطيت ورا الباب دولاب صغير بس تقيل علشان محدش يزق الباب وقعدت في ركن الأوضة وضميت رجلي على صدري و خليت نور الكشاف كله جاي  ع الباب

 .. مر أكتر من ساعة في سكوت تام وانا خايفة ومش عارفة ايه تاني ممكن يحصل .

.. سمعت صوت أبويا وصوت مريم جايين من ورا الباب

 .. اصواتهم كانت هادية أوي وبيطلبوا مني إني افتحلهم الباب عشان خايفين .

. طبعا قربت من الباب وقولتله بابا انته كويس ؟

 .. قالي انا كويس افتحي الباب بقا

 .. بس صوت مريم طلع تاني وبدءت تتكلم !!

-- رجعت كذا خطوة بعيد عن الباب وانا مرعوبة وتوقعت حاجة من الإتنين احتمال ضعيف ان يكون أبويا نجي من البنت اللي بره والاحتمال الأقوي ان ممكن يكون ده جن بيكلمني بصوته

 ... صرخت فيه بأعلى صوت وقولتله انته مش أبويا 

.. صوته اتغير 180 درجة بقا صوت راجل غليط ومخيف أوي وبدء يرزع الباب جامد كأنه عايز يكسره بالظبط 

.. أنا دلوقتي محبوسة في الأوضة ومش عارفة الباب هيستحمل لحد ايه ... 

- طلعت الورقة أقراها تاني يمكن أعرف ألاقي كلام يخلصني من الورطة ديه بس اكتشفت حاجة غريبة أوي 

.. ضهر الورقة فاضي تماما بس لو خليت الضوء يجي ع الورقة من تحت في طلسم تاني بيظهرلك 

... الطلسم ده المرادي كان واضح كل كلمة فيه 

.. كان عنوانه " الخلاص من الجن " 

-- حسيت ان هي ديه الورقة اللي هتخلص كل اللي انا فيه .

.الموبايل كان نسبة شحنة 7 % والورقة فيها كلام كتير 

... وقفت في نص الأوضة وبدءت أقراه بخوف شديد

 " الخلاص من الجن .. .." 

اول مبدءت أقرى العنوان بس لقيت الباب بيتكسر عليا حرفيا وأصوات بتتعذب بره الأوضة وحد عايز يدخل الاوضة بصيت في الورقة تاني وكملت 

" هلهلاً أهيلاً  شيميخ  ولج ٍ  كلٍ  ويلاً  هلك ٍهَنْطَلَكٍ  ميلاً  أرعيلاً  توكل يا خادم هذه الأسماء بحرق كل جان ليصبح في عشيرته مهان .. الوحا العجل الساعه " 

- في اللحظة دية كانوا فتحوا الباب فعلا ووقفوا قدامي بس كان لسه ناقص كلام تاني في الورقة قولته بسرعة جدا وانا خايفه من منظر البنت لإن جسمها كله بقا مليان شعر وجلدها كله بقا لونه اسود

 " باسم الطاعة القوية على جميع الأرواح العاصية الجمهونية بحق هذا الكتاب النارى  بحق شهمص . شقصمورش  إحرقوا هذا الجن بسهام النار الوحي الوحي .. العجل العجل .. الساعة الساعة وكل من عصانى وتاخر احرقه بالنار "

 في اللحظة ديه لقيت جسم أبويا كله اترمي على الأرض اكنه مات تقريبا والبنت بقت مخلوق غريب أوي فضل يخبط بجسمه وراسه في الحيطة واختفى فجأة كأنه مكنش موجود أصلا .. 

-- انا جريت على ابويا بس كان قاطع النفس خالص .

. نور الشقة كله رجع وسمعت صوت ناس بتخبط على باب الشقة .. دول الجيران 

 .. روحت أفتحلهم بسرعة لقيت الناس بيقولولي احنا واقفين ع الباب من ساعة مدخلتوا وسامعين أصوات صويت ومش عارفين نكسر الباب ونخش 

... اتصلوا طبعا فضلت اعيط وهما دخلوا لأبويا بس قالولي ان أبوكي مات 

.. اهلي جم وخلصوا اجراءات الدفن والغسل وكل حاجة ودفنا أبويا واختي في نفس التربة ورجعنا وأنا راجعة في العربية الورقة كانت في إيدي .

. مش عارفة أحرقها أو أرميها قررت اني أرميها من العربية عشان مضمنش لو حرقتها ممكن يحصل ايه بس المشكلة اني أول محدفتها من العربية لقيت راجل مسكها وفتحها بس العربية بعدت ومشوفتش الباقي .

. أنا خسرت أبويا وأختي وأكيد اختي خدت الورقة بنفس الحركة ديه .

. الورقة ديه ملعونه وأكيد الراجل ده بيشوف نفس اللي أنا شوفته دلوقتي ..

النهايه..

المصدر: ملفات سرية 

يمكنك قراءة 

طلاسم قاتلة - قصة رعب -  الجزء الاول

طلاسم قاتلة - قصة رعب -  الجزء الثاني