التربية مش بالاهانة بقلم يحيي البوليني بالله عليكم ممكن تتعب كأب وتتعبي كأم في التربية ده طبيعي مفيش تربية بدون تعب واباءنا وامهاتنا تعبو...
التربية مش بالاهانة بقلم يحيي البوليني
بالله عليكم
ممكن تتعب كأب وتتعبي كأم في التربية
ده طبيعي مفيش تربية بدون تعب
واباءنا وامهاتنا تعبوا جدا معانا
فاحنا لما بنتعب بيكون شئ طبيعي في التربية ولابد نؤهل نفسنا لكده ونتحمل
ممكن نفقد اعصابنا
ممكن نغضب
ممكن نثور
ممكن يكون لنا رد فعل
بس بالله عليكم
بلاش الاهانة وكسر نفس الابن
لانه لو كسرت نفسه مش هتعرف تصلحها تاني
ففيه دراسة نفسية لاحدى الباحثات وجد أن الإساءة اللفظية والشتائم تؤثر في الأطفال أكثر بكثير من الإهانة بالضرب. إن الإهانة اللفظية تشعر الطفل بأنه منبوذ ومضطهد ومصدر إزعاج ويستحق الإهانة، وليس الحديث هنا عن الغضب العادي أو الذي يحدث نتيجة الأخطاء المتكررة من الطفل، لكن المقصود الإهانات القوية واليومية التي يعمد إليها بعض الآباء المرضى بالسلطة والتسلط على أطفالهم، ولا يدرون أنهم حتى ولو لم يضربوا أبناءهم فإنهم يفعلون ما هو أسوأ.
وطبيعي يكون بعد كده إن أول ما يفقده الأبناء بسبب الشتائم والسباب والصراخ هو الثقة بأنفسهم و القدرة على التعرف على مهاراتهم، ويجدون صعوبة في التكيف مع المحيط ، وممكن تعمل منه انطوائي او عدواني او ممكن كمان مجرم
وممكن يوصل الابن او البنت للانحراف
فاياكم والاهانة
#يحيي_البوليني
ليست هناك تعليقات